Dosieraj agordoj
Tio estas dialogujo kun agordoj, kiuj dependas de sufikso de redaktata
dosiero, kaj influas nur dosierojn kun tiaj sufiksoj. (Tiuj agordoj
konserviĝas en la dosiero files.ini).
Maldekstre supre en la dialogujo estas listo, kies linioj estas aroj
de dosieraj sufiksoj. Kiam vi elektas unu el la linioj, en cetera parto
de la dialogujo montriĝas agordoj por la elektita aro de sufiksoj.
La unua punkto de la listo estas speciala sufikso *, kiu estas
persilenta, t.e. se por alia sufikso ne estas indikita iu agordo, ĝi
estas prenata el agordoj por sufikso *.
Vi povas aldoni novan linion kun sufiksaro, tajpinte ĝin en enmeta linio
sub la listo (sufiksojn disigas komoj) kaj preminte butonon Aldonu.
Vi povas ankaŭ forigi iun el la linioj, metinte sur ĝin la montrilon kaj
preminte butonon Forigu (la forigo reale okazos nur kiam vi premos
konfirman butonon Bone; se vi premos Nuligu, la forigo ne
okazos).
Ĉiu agordo havas ĉirkaŭ si kadreton, kiu aspektas "malpremita", se la
agordo por tiu ĉi sufiksaro ne ekzistas kaj estas prenata la persilenta.
Se vi ŝanĝas la agordon, ĝi iĝas "premita", kio signifas, ke ĝi diferencas
disde la persilenta. Por forigi agordon (t.e. egaligi ĝin al la persilenta),
klaku sur ĝia surskribo per dekstra musbutono.
Jen listo de la langetoj kun agordoj:
Tiparoj
- Tiparo por redaktado
- Tiparo, kiu estos uzata por redaktado de dosieroj de tiu tipo.
Eblas elekti norman fikslargxan aux norman proporcian tiparon
(ili agordeblas en gxeneralaj agordoj),
aux alian tiparon. Atentu, ke, se vi elektos
proporcian tiparon, tiam ne eblos prilabori vertikalajn (kolumnajn) blokojn
kaj fari kolorigon de kolumnoj.
- Alteco
- Alteco de tiparo por redaktado.
Redakto
- Larĝo de tabo
- Maksimuma kvanto da signopozicioj, kiujn okupas tabo en fenestro de
redaktado. Kutime ĝi estas 4 aŭ 8.
- Kreu rezervan kopion
- Ĉu la redaktilo konservu malnovan enhavon de redaktata dosiero
en rezerva kopio dum konservado de la dosiero.
- Faldu liniojn
- Ĉu la redaktilo faldu longajn liniojn.
- Aŭtomata deŝovo
- Ĉu la redaktilo faru deŝovon aŭtomate, kiam vi premas Ret.
- Disigiloj
- Listo de simboloj, kiuj servas kiel limoj de vortoj.
- Majuskloj/minuskloj
- Listo de paroj majuskloj-minuskloj (ĝi necesas por serĉado kun
ignoro de uskleco kaj por majuskligo/minuskligo).
Koloroj
- Emfazu linion
- Ĉu la redaktilo emfazu kurantan linion de teksto per malsama
koloro.
- Emfazu kolumnon
- Ĉu la redaktilo emfazu kurantan kolumnon de teksto per malsama
koloro.
- Sintaksa kolorigo
- Ĉu la redaktilo emfazu diversajn sintaksaj konstruaĵojn per
malsamaj koloroj.
- Skanu antaŭe
- Kvanto da linioj, kiujn la redaktilo skanu antaŭ la linioj,
videblaj sur la ekrano, por ke sintaksa kolorigo
de plurliniaj komentoj ks. estu korekta.
Signaroj
- Aŭtomate eltrovu signaron
- Marko en tiu ĉi markujo signifas, ke la redaktilo antaŭ lego de dosiero
skanos ties unuajn liniojn por trovi tie indikon pri signaro
(por HTML-dosieroj), aŭ penos analizi oftecojn de kelkaj signokombinoj,
por trovi, en kia signaro estas la dosiero. (Tiuj kombinoj estas en dosiero
charsets.ini).
- Defaŭlta signaro
- Signaro, uzante kiun la redaktilo legos kaj konservos dosieron, se ne
elekti alian signaron en dialogujoj de malfermo kaj konservo.
- Defaŭlta prezento de Unikodo
- Maniero de prezento de unikodaj signoj en dosiero.
Se estas elektita "-", tiam ili estas prezentataj duume (utf-8, utf-16)
aŭ estas konvertataj en kodonojn, enirantajn aktualan 8-bitan signaron.
Se estas elektita "&#DDDD;", la redaktilo dum legado de dosiero
interpretas kodon &#DDDD; (kie D estas dekuma cifero),
kiel unikodan signon, kaj dum skribado ĝi konservos en tia formo
ĉiujn unikodajn signojn, kiuj ne trafas en aktualan signaron.
Se estas elektita "\uXXXX", tiam la redaktilo faros same kun kodoj
kiel \uXXXX (kie X estas deksesuma cifero).
Tio ĉi estas nur persilenta agordo, kiun eblas
ŝanĝi en la dialogujoj de malfermo kaj konservo de dosieroj.
Klavaro
- Grupoj de makrooj
- Grupoj de makrooj, uzeblaj por tiu tipo de dosieroj.
- Grupoj de anstataŭigoj
- Grupoj de anstataŭigoj, uzeblaj por tiu tipo de dosieroj.
- Klavaro 1/Klavaro 2
- Unua kaj dua klavararanĝoj (por konvertado inter ili).
ISpell
- Lingvo
- Lingvo de literumado.
Vortarojn por diversaj lingvoj vi povas elŝuti en la
TTTejo de UniRed.
(Agordojn de la literumilo por ĉiu lingvo vidu en dosiero
ispell.ini en subdosierujo de respektiva lingvo).
- Ignoru
- Komenco kaj fino de signoĉenoj, kiujn ignoru literumilo ISpell
(dufoje). Ekzemple, por HTML tio povas esti <...>
kaj &...;.